Friday, August 18, 2006

മാപ്രാണം കള്ളുഷാപ്പ്‌ ഒരു അയവിറക്കല്‍

രാവിലെ എട്ടു മണിക്ക്‌ തന്നെ ഉറക്കത്തില്‍ നിന്നും എഴുന്നേറ്റു വരുന്നതു കണ്ടപ്പോള്‍, അമ്മയുടെ കണ്ണു തള്ളി. പിന്നെ ചോദിച്ചു, എന്താടാ പറ്റിവില്ലാതെ ഇത്ര നേരത്തെ തന്നെ എഴുന്നേറ്റത്‌? അമ്പലത്തിലത്തില്‍ പോകാനായിരിക്കുമല്ലെ?

ഏയ്‌. അമ്പലത്തില്‍ പോകാനൊന്നുമല്ല അമ്മേ. മാപ്പ്രാണം കള്ളു ഷാപ്പ്‌ വരെ ഒന്നു പോകണം. അതികം വൈകിയാല്‍ കള്ള്‌ മൂത്ത്‌ പോകും, പുളി കൂടും. അതു കേട്ടതും അമ്മയുടെ കണ്ണ്‌ വീണ്ടും തള്ളി.

കുളി കഴിഞ്ഞ്‌ വന്നപ്പോഴേക്കും, ചൂടുള്ള ദോശയും, ചട്നിയും മേശപ്പുറത്ത്‌ തയ്യാര്‍. കള്ള്‌ വലിച്ചു കയറ്റാനുള്ളതല്ല എന്നു കരുതി, അര വയര്‍ നിറഞ്ഞപ്പോള്‍ ദോശ തീറ്റ നിറുത്തി.

ഗല്‍ഫില്‍ നിന്നും വന്നതാണെന്ന്‌ നാല്‌ പേര്‍ക്ക്‌ തോന്നണ്ടെ എന്നു കരുതി (കാണുന്നവര്‍ ഷാപ്പില്‍ കള്ളുകുടിക്കാന്‍ വരുന്നതരായാലും) അര ഇഞ്ചു കനത്തില്‍ പൌഡര്‍ മുഖത്ത്‌ വാരി പൊത്തി. പാണ്റ്റും, ഷര്‍ട്ടും വലിച്ചു കയറ്റി. അര കുപ്പി സ്പ്രേ ദേഹമാസകലം പൂശി. ശ്‌ ശ്‌ എന്ന്‌ ശബ്ദം തുടര്‍ച്ചയായി കേട്ടപ്പോള്‍ അച്ഛന്‍ താഴെ നിന്നും വിളിച്ചു പറഞ്ഞു, മോനേ, മേലത്തെ പൈപ്പങ്ങാനും പൊട്ടിയോന്നൊന്നു നോക്കാന്‍! ഏയ്‌ പൈപ്പൊന്നും പൊട്ടിയിട്ടില്ല അച്ഛാ ഞാന്‍ സ്പ്രേ പൂശുന്നതാ എന്നു വിളിച്ചു പറഞ്ഞ്‌ അച്ഛനെ സമാധാനിപ്പിച്ചു. പിന്നെ, മെയ്ക്കപ്പിണ്റ്റെ ബാക്കിയായ മോതിരങ്ങള്‍, വാച്ച്‌ തുടങ്ങിയവ എടുത്ത്‌ ധരിച്ചു. കണ്ണാടിയില്‍ പോയി മുഖം നോക്കി. ഇല്ല മാല പുറത്തേക്ക്‌ കാണുന്നില്ല. ഷര്‍ട്ടിണ്റ്റെ രണ്ടു ബട്ടണ്‍സ്‌ തുറന്നിട്ടു. ഇപ്പോള്‍ സ്വര്‍ണ്ണമാല വെളിയില്‍ കാണാം. ഇടം കയ്യില്‍ ബെന്‍സണ്‍ സിഗററ്റും, ലൈറ്ററും, വലം കയ്യില്‍ മൊബൈല്‍ ഫോണും പിടിച്ച്‌ പുറത്തേക്കിറങ്ങി. ഫുള്‍ ഗെറ്റപ്പ്‌ വരണമെങ്കില്‍ ഷൂ കൂടി ഇടണം. പുറത്ത്‌ മഴ ചാറുന്നുണ്ട്‌. വേണ്ട, വിലപിടിച്ച ഷൂ മഴയത്തിട്ടു നശിപ്പിക്കണ്ട. ചെരുപ്പ്‌ മതി. ചെരുപ്പിട്ട്‌ കഴിഞ്ഞപ്പോഴേക്കും, സുഹൃത്ത്‌ ബോണി തണ്റ്റെ ഹീറോ ഹോണ്ടായില്‍ വീടിണ്റ്റെ പുറത്തെത്തി ഹോണടി തുടങ്ങി. ഗെയിറ്റ്‌ തുറന്ന്‌ പുറത്തിറങ്ങിയ എന്നെ കണ്ടതും ബോണി ഒറ്റ ചോദ്യം. എന്താടാ നിണ്റ്റെ മുഖം ഡെണ്റ്റ്‌ തീര്‍ത്ത വണ്ടിയില്‍ പുട്ടി പുരട്ടിയപോലെയുണ്ടല്ലോ?

ചാറ്റല്‍ മഴയില്‍ മുഖത്തു പൂശിയിരുന്ന പൌഡര്‍ ഇളകി പോയെന്ന നഗ്ന സത്യം ഞാന്‍ ഞെട്ടലോടെ മനസ്സിലാക്കി. ബോണീ ഒരു മിനിറ്റ്‌ വെയിറ്റ്‌ ചെയ്യ്‌, ഞാന്‍ ദാ വന്നു എന്നു പറഞ്ഞ്‌ വീട്ടിലേക്ക്‌ ഞാന്‍ കയറി. മുഖം സോപ്പിട്ട്‌ കഴുകി. പാണ്റ്റ്സ്‌ ഊരി തിരികെ അലമാരയിലേക്ക്‌ വച്ചു. ഒരു ഡബ്ബിള്‍ മുണ്ടെടുത്തുടുത്തു. ഷര്‍ട്ടിണ്റ്റെ ബട്ടണ്‍സ്‌ മുഴുവനും ഇട്ടു. മുണ്ട്‌ മടക്കി കുത്തി. കണ്ണാടിക്കു മുന്‍പില്‍ ചെന്നു നിന്നു സ്വന്തം ശരീരത്തെ വീക്ഷിച്ചു. നല്ലൊരു കള്ളുകുടിയന്‍ ലുക്ക്‌. അതെ, എണ്റ്റെ ശരിയായ വിശ്വരൂപം തന്നെ.

ബോണിയുടെ ബൈക്കില്‍ കയറി, രാവിലെ ഒമ്പതര ആകുന്നതേ ഉണ്ടായിരുന്നുള്ളൂ. മാപ്രാണം കള്ളു ഷാപ്പിലേക്ക്‌ ബൈക്ക്‌ പാഞ്ഞു. പത്തു മിനിട്ടിനുള്ളില്‍ തന്നെ ഞങ്ങള്‍ മാപ്രാണം കള്ളു ഷാപ്പിലെത്തി. ഓടു മേഞ്ഞ പഴയ ഒരു കെട്ടിടം. ചുറ്റും പനമ്പ്‌ കെട്ടി മറച്ചിരിക്കുന്നു. ഞങ്ങള്‍ അകത്തേക്ക്‌ കയറി. അഞ്ചാറു ബെഞ്ചും ഡെസ്കും പല സ്ഥലത്തായി ഇട്ടിരിക്കുന്നു. നടുവില്‍ ഒരു വലിയ മേശമേല്‍ അലുമിനിയ ഉരുളികളില്‍ ഷാപ്പ്‌ സ്പെഷലായ, കപ്പ, വാള തല കറി, പലിഞ്ഞീല്‍ വറുത്തത്‌, ഐക്കൂറ വറുത്തത്‌, കരിമീന്‍ പൊള്ളിച്ചത്‌, ഞണ്ട്‌, കക്ക, കല്ലുമ്മക്കായ, ആടിണ്റ്റെ തല, തലച്ചോര്‍ തോരന്‍, ബോട്ടി, പോത്തിറച്ചി ഉലത്തിയത്‌, മലത്തിയത്‌ വേറെ, താറാവ്‌, മുയലിറച്ചി, കാട, ഇരണ്ട ചിക്കിയത്‌, ഞവിണിക്ക തുടങ്ങിയ സാധനങ്ങള്‍ കണ്ടതും, എണ്റ്റെ വായില്‍ വെള്ളം ഊറാന്‍ തുടങ്ങി.

പനമ്പിണ്റ്റെ അരികിലായിട്ടിരുന്ന ഒരു ഡെസ്കിണ്റ്റെ അപ്പുറവും, ഇപ്പുറവുമായി ഞങ്ങള്‍ ഇരുപ്പുറപ്പിച്ചു. രണ്ട്‌ മണ്‍ കുടുക്ക കള്ള്‌ ഞങ്ങളുടെ മുന്‍പിലെ ഡെസ്കിണ്റ്റെ മുകളില്‍ എത്തി. ഒരു ഗ്ളാസ്‌ നിറയെ കള്ളു നിറച്ച്‌ ഞാന്‍ ഒറ്റ വലിക്കകത്താക്കി. തണുത്ത, ചെറിയ മധുരമുള്ള നല്ല ഇളം കള്ള്‌. കഴിക്കുവാനായി മുയലും, കപ്പയും, പലിഞ്ഞീനും, കക്കയിറച്ചിയും ഞങ്ങള്‍ ഓര്‍ഡര്‍ ചെയ്തു. ചെറിയ ഇലക്കീറുകളില്‍, ഹൃദ്യമായ മണത്തോടുകൂടി ഓര്‍ഡര്‍ ചെയ്ത സാധനങ്ങള്‍ ഞങ്ങളുടെ മുന്‍പില്‍ നിരന്നു. ഞങ്ങളുടെ ഗ്ളാസ്സുകള്‍ നിറഞ്ഞും, ഒഴിഞ്ഞും ഇരുന്നു. ചാറി കൊണ്ടിരുന്ന മഴക്ക്‌ ശക്തി കൂടി. മഴയോടൊപ്പം വന്ന കാറ്റില്‍ മഴതുള്ളികള്‍ തെറിച്ച്‌ ഞങ്ങളെ ചെറുതായെങ്കിലും നനച്ചിരുന്നത്‌ ഒരു സുഖമുള്ള അനുഭൂതിയായി മാറി.

ഞങ്ങള്‍ വന്നല്‍പ്പം സമയത്തിനുള്ളില്‍ തന്നെ എല്ലാ ബെഞ്ചുകളും ഫുള്‍. മദ്യപാനികള്‍ക്ക്‌ എന്നും ആഘോഷം തന്നെ. സമയവും, കാലവും, ചാവും, പേറും ഒന്നും ഒരു പ്രശ്നമേയല്ല. അമ്മാമ്മ ചത്താല്‍ കുടിക്കണം, മോള്‍ പ്രസവിച്ചാല്‍ കുടിക്കണം. ജോലി കിട്ടിയാലും, പോയാലും കുടിക്കണം. എന്തിനും, ഏതിന്നും, ഒരേ ഒരു പരിഹാരം. മദ്യപാനം!

പ്രായമേറിയ ചിലര്‍ വന്ന്‌ കള്ളു കുടുക്ക വാങ്ങി ഒറ്റ ഇറക്കിന്‌ കാലിയാക്കി പോകുന്ന കാഴ്ച എന്തു നയനാനന്ദകരമാണെന്നോ? അതും രാവിലെ ഒമ്പതൊമ്പതരക്ക്‌!

ഞങ്ങളുടെ കള്ളു കുടുക്കകള്‍ കാലിയാകും തോറും, പുതിയ നിറ കുടുക്കകള്‍ വന്നു കൊണ്ടേയിരുന്നു. സമയം പതിനൂനു കഴിഞ്ഞു. കള്ളിന്‌ മധുരം മാറി ചെറിയ പുളിപ്പായി തുടങ്ങി. തലയില്‍ ലഹരിയുടെ ഓളങ്ങള്‍ ചെറുതായിളകാന്‍ തുടങ്ങി.

അങ്ങേ മൂലക്കിലെ ബെഞ്ചിലിരുന്ന്‌ തനിയെ കള്ളു കുടിക്കുകയും, കേള്‍ക്കാന്‍ ഇമ്പമുള്ള തെറികള്‍ ഉച്ചത്തില്‍ പറയുകയും ചെയ്തിരുന്ന മനുഷ്യനെ വന്നപ്പോള്‍ മുതല്‍ ഞാന്‍ ശ്രദ്ധിക്കാന്‍ തുടങ്ങിയതാണ്‌. അയാളിതെ ബഞ്ചില്‍ നിന്നും പൊടുന്നനെ താഴേക്ക്‌ വീണിരിക്കുന്നു. ഷാപ്പിലിത്‌ സ്ഥിരം സംഭവമായതിനാലാവണം, ആരും ചെന്നെഴുന്നേല്‍പ്പിക്കാനൊന്നും പോയില്ല. വീണ അതേ സ്പോര്‍ട്സ്മാന്‍ സ്പിരിറ്റില്‍ അയാളെഴുന്നേറ്റു, വേച്ച്‌ വേച്ച്‌ ഞങ്ങളുടെ അടുത്തേക്ക്‌ വന്നു. ഒരു സിഗററ്റ്‌ തരുമോ എന്നു ചോദിച്ചു. തരാം എന്നു ഞാന്‍ പറയുന്നതിന്നുമുന്‍പു തന്നെ മേശപ്പുറത്തിരുന്ന സിഗററ്റു പായ്ക്കെറ്റെടുത്ത്‌ രണ്ട്‌ സിഗററ്റെടുത്തു. ഒന്നയാള്‍ ചുണ്ടില്‍ വച്ചു. മറ്റൊന്ന്‌ ചെവിയിലും തിരുകി.

ഒരു കുടുക്ക കള്ള വാങ്ങി തരൂ മക്കളെ എന്നായി അയാളുടെ പിന്നത്തെ ഡിമാണ്റ്റ്‌. അതിനെന്താ, വാങ്ങി കുടിച്ചോളൂ, പൈസ ഞങ്ങള്‍ കൊടുക്കാം എന്ന്‌ ഞാന്‍ പറഞ്ഞപ്പോള്‍, അതു ശരിയാകില്ല നിങ്ങള്‍ തന്നെ വാങ്ങി താ എന്നയാള്‍ ശഠിച്ചു. ആയാള്‍ക്കു വേണ്ടി ഞങ്ങള്‍ ഒരു കുടുക്ക ഓര്‍ഡര്‍ ചെയ്തതും, ഷാപ്പുകാരന്‍ ജോണിചേട്ടന്‍ ഞങ്ങളുടെ അരികിലേക്ക്‌ വന്നിട്ട്‌ പറഞ്ഞു. പൊറിഞ്ചുവേട്ടനിന്നിനി കള്ളില്ല. അതു കേട്ടതും, പൊറിഞ്ചു, ജോണി ചേട്ടണ്റ്റെ അച്ഛനും, അമ്മക്കും, സുഖമല്ലേന്നന്വേഷിച്ചു.

ടിം. പൊറിഞ്ച്വേട്ടണ്റ്റെ കരണത്ത്‌, ജോണി ചേട്ടണ്റ്റെ കൈതലം പതിഞ്ഞു. എല്ലാവരേയും, പുലഭ്യം പറഞ്ഞ്‌, വേച്ചു വേച്ചു നടാന്നിരുന്ന പൊറിഞ്ചുവേട്ടന്‍, ഒന്നു കിട്ടിയതും, സ്റ്റഡിയായി, പട്ടാളക്കാരന്‍ നടക്കുന്നതു പോലെ, ആ ചാറ്റല്‍ മഴയിലേക്കിറങ്ങി അപ്രത്യക്ഷനായി.

നിറഞ്ഞ രണ്ടു കുടുക്കകളും, ഇലച്ചീന്തില്‍ കഴിക്കുവാനുള്ള മറ്റു പല സാധനങ്ങളും ഞങ്ങളുടെ മുന്‍പില്‍ ജോണ്യേട്ടന്‍ കൊണ്ടു വന്നു വെച്ചു. പിന്നെ ഞങ്ങളുടെ ബഞ്ചില്‍ ഇരുന്ന്‌ പൊറിഞ്ചുവേട്ടണ്റ്റെ കൈയിലിരിപ്പിനേകൂറിച്ച്‌ പറഞ്ഞ്‌ ജോണ്യേട്ടന്‍ വാചാലനായി.

ഒരുമണിക്കൂറിനകം പൊറിഞ്ചുവേട്ടണ്റ്റെ രസകരമായ പല കയ്യിലിരിപ്പുകളും ജോണ്യേട്ടന്‍ ഞങ്ങള്‍ക്ക്‌ പറഞ്ഞു തന്നു. ഈയടുത്തായി പൊറിഞ്ചുവേട്ടന്‍ ചെയ്ത ഒരു നമ്പര്‍ നിങ്ങളുമൊത്ത്‌ ഞാന്‍ പങ്കുവെക്കാം.

പൊറിഞ്ചുവേട്ടണ്റ്റെ നമ്പര്‍

ഒരു ഞായറാഴ്ച പതിവു പോലെ തന്നെ ഒമ്പതു മണിക്ക്‌ പൊറിഞ്ചുവേട്ടന്‍ ഷാപ്പില്‍ വന്നു ഒരു കുടുക്ക കള്ള്‌ വാങ്ങി. ഒരു കുടുക്കയില്‍ തന്നെ പൊറിഞ്ചുവേട്ടന്‍ നല്ല ഫിറ്റാകും എന്നതിനാല്‍, ഒരു കുടുക്കയിലും കൂടുതല്‍ കള്ളു കൊടുക്കരുതെന്ന്‌ പൊറിഞ്ചുവേട്ടണ്റ്റെ മകന്‍ ഷാപ്പില്‍ ശട്ടം കെട്ടിയിട്ടുണ്ട്‌.

വാങ്ങിയ ഒരു കുടുക്ക കഴിഞ്ഞപ്പോഴേക്കും, പൊറിഞ്ചുവേട്ടന്‍ മകുടിയില്ലാതെ തന്നെ ആടി തുടങ്ങി. ഞായറാഴ്ചയല്ലെ, ഒന്ന്‌ നല്ല പോലെ മിനുങ്ങിയില്ലെങ്കില്‍, പോത്തിറച്ചി കൂട്ടി ഉച്ചക്ക്‌ നന്നായി ഭക്ഷണം കഴിക്കുന്നതെങ്ങിനെ? വീണ്ടും ഒരു കുടുക്കക്കായ്‌ പൊറിഞ്ചുവേട്ടന്‍ ഓര്‍ഡര്‍ ചെയ്തു. പൊരിഞ്ചുവേട്ടണ്റ്റെ മകണ്റ്റെ നിരോധന നിയമം നിലവില്‍ നില്‍ക്കുന്നതിനാല്‍, രണ്ടാമത്തെ കുടുക്ക കള്ളിനുള്ള ഓര്‍ഡര്‍ റിജക്റ്റായി.

അറിയാവുന്ന സൌമ്യ ഭാഷകള്‍ മുഴുവനും പ്രയോഗിച്ചിട്ടും കള്ള്‌ കിട്ടില്ല എന്നുറപ്പായപ്പോള്‍, പതിവുപോലെ, അപ്പനമ്മമ്മാരുടേയും, മറ്റു കുടുംബാങ്ങളുടേയും സൌഹൃദാന്വേഷണത്തിലേക്ക്‌ പൊറിഞ്ചുവേട്ടന്‍ കടന്നു. പതിവുപോലെ തന്നെ, ക്ടിം, കിട്ടി കരണത്തൊരെണ്ണം. സാധാരണ പോലെ പൊറിഞ്ചുവേട്ടന്‍ ഡീസണ്റ്റായില്ലാ എന്നു മാത്രമല്ല, പതിവിന്നു വിപരീതമായി വെല്ലു വിളിയും തുടങ്ങി. ഇന്ന്‌ എനിക്ക്‌ മതിവരുവോളം കള്ളു കുടിക്കണം. നിങ്ങള്‍ തന്നില്ലെങ്കിലും ഇന്നു ഞാന്‍ കുടിച്ചിരിക്കും. ഒൌസേപ്പു പുണ്യാളനാണെ, വേളാങ്കണ്ണി മാതാവാണെ സത്യം.

മാപ്രാണം ഷാപ്പീന്ന്‌ ഇന്നിനി കള്ള്‌ കിട്ടില്ല പൊറിഞ്ചുവേട്ടാ, വേഗം സ്ഥലം കാലിയാക്കാന്‍ നോക്ക്‌.

വാശി മൂത്ത പൊറിഞ്ചുവേട്ടന്‍ മുണ്ട്‌ മടക്കി കുത്തി, ആടിയാടി ഷാപ്പിന്നു പുറത്തേക്കിറങ്ങി ഷാപ്പിണ്റ്റെ തൊട്ട പറമ്പിലേക്ക്‌ നടന്നു. അവിടെ ചെത്തുന്ന തെങ്ങിലൊന്നില്‍ കെട്ടിവെച്ചിരിക്കുന്ന ചകിരിതൊണ്ടില്‍ ചവിട്ടി, തെങ്ങിണ്റ്റെ മുകളിലേക്ക്‌ കയറാന്‍ തുടങ്ങി. നടക്കാന്‍ കഴിയുന്ന സ്ഥിതിയിലുള്ള പൊറിഞ്ചുവേട്ടന്‍ തെങ്ങില്‍ കയറുന്നത്‌ കണ്ട്‌, അതൊരു സ്ഥിരം കാഴ്ചയല്ലാത്തതിനാല്‍, ഷാപ്പിലുള്ളവര്‍ എല്ലാം തന്നെ പുറത്തിറങ്ങി തെങ്ങിന്‍ ചുവട്ടിലേക്ക്‌ നടന്നു.

താന്‍ കരാറെടുത്ത്‌ ചെത്തുന്ന തെങ്ങില്‍, കള്ളെടുക്കാനായ്‌, പൊറിഞ്ചുവേട്ടന്‍ കയറുന്നൂ എന്ന വാര്‍ത്ത നിമിഷങ്ങള്‍ക്കകം, അവിടെ അടുത്ത ഒരു കടയില്‍ നിന്നിരുന്ന രാമകൃഷ്ണണ്റ്റെ ചെവിട്ടില്‍ എത്തിയതും, ഓടി പാഞ്ഞ്‌ രാമകൃഷ്ണന്‍ സംഭവ സ്ഥലത്തെത്തി.

രാമകൃഷ്ണനും, മറ്റു നാട്ടുകാരും പല തവണ അനുനയ സ്വരത്തില്‍ പറഞ്ഞിട്ടും, പൊറിഞ്ചു തെങ്ങില്‍ നിന്നും താഴെ ഇറങ്ങാന്‍ തയ്യാറായില്ല എന്നു മാത്രമല്ല, നാട്ടുകാരെ മൊത്തമായ്‌ തെറിയും വിളിച്ചു.

തണ്റ്റെ ചെത്താന്‍ ഉപയോഗിക്കുന്ന വീതി കൂടിയ കത്തി ഊരി കയ്യില്‍ പിടിച്ച്‌ രാമ കൃഷ്ണന്‍ തെങ്ങില്‍ കയറാന്‍ തുടങ്ങിയതും, മുകളില്‍ നിന്നും പൊറിഞ്ചു വിളിച്ചു പറഞ്ഞു, രാമകൃഷ്ണാ നീ കയറരുത്‌.

ചെത്തു കത്തി ഉയര്‍ത്തി കാട്ടി, തന്നെ ഇന്നു ഞാന്‍ തുണ്ടം തുണ്ടമാക്കുമെടോ എന്നും പറഞ്ഞ്‌ രാമകൃഷ്ണന്‍ ഒരോ ചകിരിയിലും, ചവിട്ടി, തെങ്ങിണ്റ്റെ മുകളിലേക്ക്‌ കയറികൊണ്ടേ ഇരുന്നു.

രാമ കൃഷ്ണന്‍ തെങ്ങിണ്റ്റെ പകുതിയോളം എത്തിയതും, പൊറിഞ്ചു, ടാ രാമകൃഷ്ണാ, നീ ഇനി ഒരടി മുകളിലേക്ക്‌ കയരിയാല്‍ ഞാന്‍ താഴേക്ക്‌ ചാടും എന്നു പറഞ്ഞ്‌ തെങ്ങിണ്റ്റെ മണ്ടയില്‍ ഇരുന്നു കൊണ്ടു തന്നെ ആദ്യ പടിയായി തണ്റ്റെ ഉടുമുണ്ടുരുഞ്ഞി താഴേക്കിട്ടു.

കീഴെ പകച്ചു നിന്ന നാട്ടുകാര്‍ക്ക്‌ രംഗം വഴളാകുമോ എന്ന ഭീതി തോന്നി തുടങ്ങി. ആളുകള്‍ രാമകൃഷ്ണനോട്‌ കീഴെ ഇറങ്ങുവാന്‍ ആവശ്യപെട്ടു. കള്ളു ചെത്തുന്നതല്ലാതെ, കള്ള്‌ കുടിക്കാത്ത രാമകൃഷ്ണന്‍ തണ്റ്റെ കത്തി അരയില്‍ തിരുകി താഴേക്കിറങ്ങി.

താഴെ നിന്നും ആളുകള്‍ വീണ്ടും വിളിച്ചു പറഞ്ഞു, പൊറിഞ്ചുവേട്ടാ താഴെ ഇറങ്ങി. നമുക്ക്‌ പരിഹാരം ഉണ്ടാക്കാം.

ഇല്ലട പു...... മക്കളെ, ഞാന്‍ താഴേക്കിറങ്ങില്ല, ചാടുകയേയുള്ളൂ. താഴോട്ടിറങ്ങിയിട്ട്‌ വേണം രാമകൃഷ്ണനെന്നെ വെട്ടി കൊല്ലാന്‍. ആ പുതി മനസിലിരിക്കട്ടടാ മക്കളെ.

എത്ര പറഞ്ഞിട്ടും പൊറിഞ്ചുവേട്ടന്‍ താഴെ ഇറങ്ങുന്നില്ല എന്നു കണ്ടപ്പോള്‍, ആളുകള്‍ ചോദിച്ചു, പൊറിഞ്ചുവേട്ടന്‍ താഴെ ഇറങ്ങുവാന്‍ ഞങ്ങളെന്താ ചെയ്യേണ്ടെ?

നിങ്ങള്‍ പോയി പോലീസിനെ വിളിച്ചു കൊണ്ടു വന്നാല്‍ ഞാന്‍ ഇറങ്ങാം. അലെങ്കില്‍ ഞാന്‍ ചാടും.

ഇത്രയും രാവിലെ ഒരു മനുഷ്യ ശരീരം താഴെ വീണ്‌ ചിതറുന്നതു കാണാന്‍ കരുത്തില്ലാത്ത നാട്ടുകാര്‍, ഗതികെട്ട്‌, പോലീസ്‌ സ്റ്റേഷനില്‍ വിളിച്ച്‌ വിവരം പറഞ്ഞറിയിച്ചതിനെ തുടര്‍ന്ന്‌, പത്ത്‌ മിനിട്ടിനകം തന്നെ രണ്ട്‌ പോലീസുകാര്‍ ഓട്ടോയില്‍ സംഭവ സ്ഥലത്തെത്തിച്ചേര്‍ന്നു.

താഴെ പോലീസുകാരെ കണ്ടതും, പൊറിഞ്ചുവേട്ടന്‍ ഉഷാറായി, പിന്നെ, സധൈര്യം കീഴ്പ്പോട്ടിറങ്ങാന്‍ തുടങ്ങി.

ഇറങ്ങി ഇറങ്ങി, മണ്ണില്‍ ലാണ്റ്റു ചെയ്തതും, പോലീസുകാര്‍ പൊറിഞ്ചുവേട്ടണ്റ്റെ ഇളം ശരീരത്തില്‍ നാഗസ്വരം വായിച്ചു. രാമകൃഷ്ണനേയും പോലീസുകാര്‍ ഒന്നു വിരട്ടി.

രാവിലെ തന്നെ ഒരു കളി കണ്ട സന്തോഷത്തില്‍, പോലീസുകാര്‍ പോലീസിണ്റ്റെ വഴിക്കും, നാട്ടുകാര്‍ നാട്ടുകാരുടെ വഴിക്കും, കുടിയന്‍മാര്‍ ഷാപ്പിലേക്കും മടങ്ങി.

മഴയില്‍ കുതിര്‍ന്ന്‌, താഴെ ചെളിപുരണ്ട്‌ കിടന്നിരുന്ന മുണ്ടെടുത്തുടുത്ത്‌ പൊറിഞ്ചുവേട്ടന്‍ വീണ്ടും ഷാപ്പിലെത്തി.

ടാ ജോണ്യേ, ഒരു കുടുക്ക കള്ളു താടാ. തെങ്ങില്‍ കയറ്റവും, പോലീസിണ്റ്റെ ഇടിയും കൂടിയായപ്പോള്‍ രാവിലെ കുടിച്ച കള്ളെല്ലാം ഇറങ്ങി.

പൊറിഞ്ചുവേട്ടന്‍ പറയുന്നത്‌ സത്യമാണെന്ന്‌ മനസ്സിലായ, ജോണിചേട്ടന്‍, ഒരു കുടുക്ക കള്ള്‌ പൊറിഞ്ചുവേട്ടന്‌ നല്‍കി. കോമ്പ്ളിമെണ്റ്റായി ഒരു പ്ളെയ്റ്റ്‌ ഏട്ട തലക്കറിയും.

എന്തു ചെയ്തിട്ടായാലും, കള്ള്‌ കുട്ടിച്ചെന്ന ആത്മസംത്പ്തിയോടെ, കുടുക്ക കാലിയാക്കി പൊറിഞ്ചുവേട്ടന്‍ വേച്ചു വേച്ചു ഷാപ്പില്‍ നിന്നും ഇറങ്ങി നടന്നു.

കഥ കേട്ട ഞങ്ങളും.

72 comments:

കുറുമാന്‍ said...

"മാപ്രാണം കള്ളുഷാപ്പ്‌ ഒരു അയവിറക്കല്‍"

അങ്ങനെ പറഞ്ഞതു പോലെ നാട്ടില്‍ നിന്നും ഞാന്‍ ഒരെണ്ണം പോസ്റ്റ്‌ ചെയ്യുന്നു

അരവിന്ദ് :: aravind said...

അസൂയ പെരുക്കുന്നു കുറൂജീ..
ശ്ശോ.....ഇതെല്ലാം വായിച്ച് വെള്ളമിറക്കുന്നു, പിന്നെ ആര്‍ത്തു ചിരിക്കുന്നു..

സൂപ്പര്‍ സൂപ്പര്‍! ഇളംകളിനേക്കാള്‍ എഫക്റ്റ് ഈ കഥക്ക്...തകര്‍ത്തു കുറൂജീ..!! :-)

അങ്ങേക്ക് ഈ ഭക്തന്റെ ഒരു കള്ളാഭിഷേകം നേരുന്നു. എന്നെങ്കിലും :-)
(ദേഹത്തോട്ട് വാളുവക്കും എന്നല്ലേ...)

ബിജോയ്‌ മോഹന്‍ | Bijoy Mohan said...

"ശ്‌ ശ്‌ എന്ന്‌ ശബ്ദം തുടര്‍ച്ചയായി കേട്ടപ്പോള്‍ അച്ഛന്‍ താഴെ നിന്നും വിളിച്ചു പറഞ്ഞു, മോനേ, മേലത്തെ പൈപ്പങ്ങാനും പൊട്ടിയോന്നൊന്നു നോക്കാന്‍! "

"അമ്മാമ്മ ചത്താല്‍ കുടിക്കണം, മോള്‍ പ്രസവിച്ചാല്‍ കുടിക്കണം. ജോലി കിട്ടിയാലും, പോയാലും കുടിക്കണം. എന്തിനും, ഏതിന്നും, ഒരേ ഒരു പരിഹാരം. മദ്യപാനം!"


ചിരിച്ച്‌ ചിരിച്ച്‌ എന്റെ അടപ്പിളകി.. കിടിലം.. സുപ്പര്‍....

Anonymous said...

മഹാപാപി മനുഷ്യാ,കൊതിപ്പിക്ക്കല്ലേ...(ഇയ്യോ അരവിന്ദ്, കള്ള് കാട്ടി കൊതീപ്പിക്കലല്ലാഅ..) ഒരു കള്ളുഷാപ്പിലെ മീന്‍ കറി, പുളീം മുളകും ഒക്ക്കെ ഇട്ടു വെച്ച മീന്‍ കറി കൂട്ടനം ന്നുള്ള എന്‍റെ അന്ത്യാഭിലാഷം എന്നെങ്കിലും നടക്ക്വൊ എന്തോ.

:: niKk | നിക്ക് :: said...

അതു കേട്ടതും, പൊറിഞ്ചു, ജോണി ചേട്ടണ്റ്റെ അച്ഛനും, അമ്മക്കും, സുഖമല്ലേന്നന്വേഷിച്ചു.

സൂപ്പറായിട്ടുണ്ട്. ഇങ്ങനെ കുറേ പൊറിഞ്ചു ചേട്ടന്മാര്‍ എല്ലാ ദേശത്തേയും കള്ളുഷാപ്പുകളിലും പരിസരങ്ങളിലുമുണ്ട്. ചിരിച്ചു വശായി!

കുറുമാന്‍ ജീ ഇനി നമ്മള്‍ ഒരുമിച്ച് കള്ളടിച്ചാലും ഇവിടെയതൊരു പോസ്റ്റായി വരുമോ? ഹിഹിഹി...:P

ബിജോയ്‌ മോഹന്‍ | Bijoy Mohan said...

ഇതിന്‌ ആദ്യ കമന്റ്‌ എന്റേതാകണമെന്ന് വിചാരിച്ചതാ... അതിനിടയിലതാ... അരവിന്ദ്‌....

-B- said...

കപ്പ, വാള തല കറി, പലിഞ്ഞീല്‍ വറുത്തത്‌, ഐക്കൂറ വറുത്തത്‌, കരിമീന്‍ പൊള്ളിച്ചത്‌, ഞണ്ട്‌, കക്ക, കല്ലുമ്മക്കായ, ആടിണ്റ്റെ തല, തലച്ചോര്‍ തോരന്‍, ബോട്ടി, പോത്തിറച്ചി ഉലത്തിയത്‌, മലത്തിയത്‌ വേറെ, താറാവ്‌, മുയലിറച്ചി, കാട, ഇരണ്ട ചിക്കിയത്‌, ഞവിണിക്ക

ഇപ്രാവശ്യം പോകുമ്പൊ നാട്ടിക കള്ള് ഷാപ്പൊന്ന്‌
കവര്‍ ചെയ്താലോ എന്നൊരു നടക്കാത്ത ആലോചന :(

അരവിന്ദ് :: aravind said...

ബിജോയ് ക്ഷമിക്കൂ..കുറൂജി പോസ്റ്റിട്ടാല്‍ ഇവിടെ കമന്റിടാന്‍, അമ്പലത്തിലെ നടതുറന്നപോലെ തിക്കാണെന്നറിഞ്ഞൂടെ? ശ്രമിക്കൂ..ഇനിയും ശ്രമിക്കൂ :-))

കുറൂജി, അചിന്ത്യാമ്മക്ക് ഒരു മീങ്കറി പാ..ഴ്സേ ..ല്‍... :-)

ആനക്കൂടന്‍ said...

നല്ല നെല്ല് വാറ്റീതൊണ്ട് നീ വാടാ... എന്ന് ഇന്നലെ നാട്ടീന്ന് വിളിച്ചു പറഞ്ഞവനെ ഒന്ന് പെരുക്കി വിട്ടതേയുള്ളൂ. എല്ലാം കേട്ടിട്ടിട്ടും അവനവടിരുന്ന് ഘോരഘോരം പൊട്ടിച്ചിരിച്ചു. ഇപ്പോള്‍ ഇതാ കുറുമാന്‍ ഷാപ്പില്‍ പോയിരുന്ന് കൊതിപ്പിക്കുന്നു.
ഉം.. ഓണമിങ്ങു വന്നോട്ടെ..

Adithyan said...

ഈ ഒരു ഡെഡിക്കേഷന്‍ - അതിപ്പോ കള്ളുകുടിക്കുന്ന കാര്യത്തിലായാലും ബ്ലോഗ് എഴുതുന്ന കാര്യത്തിലായാലും... അതാണ് കുറുംജിയുടെ ഒരു ട്രേഡ് മാര്‍ക്ക്. :)

കുറുംജീ കലക്കീട്ടോ... കള്ളു കുടിക്കാത്ത എന്നെ ഒക്കെ ഒരു കള്ളു കുടിയനാക്കുവോ? ;))

asdfasdf asfdasdf said...

ജോണ്യെട്ടന്റെ പുതിയ പുതിയ കഥകള്‍ ഈ വെക്കേഷന്‍ കാലത്ത് ദിവസവും കേള്‍ക്കാനുള്ള ആരോഗ്യം കുറുമാനു നേരുന്നു.

മലയാളം 4 U said...

മാപ്രാണം കള്ളുഷാപ്പിലെ വിഭവങ്ങള്‍ കേമം തന്നെ. ഓണാശംസകള്‍.

myexperimentsandme said...

കുറുമാനേ, തകര്‍ത്തൂ. മാപ്രാണം ഷാപ്പിലെ അയവിറക്കല്‍-അപ്പോള്‍ വാളുവെച്ചല്ലേ :)

രാവിലെ എഴുന്നേറ്റ് ഷാപ്പുകാണാന്‍ പോകുന്നതിനു മുന്‍‌പുള്ള ആ ഒരുക്കം തകര്‍ത്തു.

Raghavan P K said...

മാപ്രാണത്തെ കള്ള് നന്നായിട്ടുണ്ട്.ഇത്തിരി അളവ് കൂടുതലാ.വയസ്സന്മാര്‍ ആടിപ്പോകും

Anonymous said...

ഹഹഹ..എനിക്ക് വയ്യ! പൊറിഞ്ചു ചേട്ടനെ എനിക്കിഷ്ടപ്പെട്ടു! ഇത് അസ്സലായി! നാട്ടീ പോവാന്‍ കൊതിയാവണു. :-(

പിന്നേയ്, എന്താണ് ഈ ഇരണ്ട ചിക്കിയത്‌ ? എന്താണ് ഇരണ്ട?

സു | Su said...

അപ്പോ മാപ്രാണം കള്ളുഷാപ്പ് ഫേമസ് ആയി അല്ലേ? ബ്ലോഗിലൂടെ. ഇങ്ങനെ ഷാപ്പ് കയറി ഇറങ്ങിയിട്ടും നര്‍മ്മത്തിനൊരു കുറവും കണ്ടില്ലല്ലോ.

രാജ് said...

‘മാപ്രാണം കള്ളുഷാപ്പ് ഒരു അയലവറക്കല്‍’

കുറുമാനവിടെ ജോലി കിട്ടിയെന്നു കരുതി ആദ്യം. ഇങ്ങേരോടു കള്ളുഷാപ്പില്‍ പോയ കാര്യം മാത്രം എഴുതരുതെന്നു് എത്ര തവണ പറഞ്ഞതാ. മനുഷ്യനെ കൊതിപ്പിക്കാനായിട്ട്‌ ഓരോന്നു ചെയ്യും.

ഇഞ്ചി, ഇരണ്ട ഒരു പക്ഷിയാണെന്ന എന്റെ വിദൂര‌ഓര്‍മ്മ.

ഉപ്പാ, ബ്ലോഗില്‍ പുതിയ എന്‍‌ട്രികളൊന്നും കാണുന്നില്ലല്ലോ. വല്ലപ്പോഴും എഴുതെന്നേ.

ബിന്ദു said...

അമ്പലത്തിലേക്കു പോവുന്ന വഴിക്കൊരു കള്ളുഷാപ്പുണ്ടായിരുന്നു. അതിന്റെ മുന്നിലെത്തുമ്പോഴേക്കും കയ്യൊന്നും വീശാതെ, തലകുനിച്ചു നല്ല സ്പീഡിലായിരുന്നു നടത്തം. :) എന്തോ അതിനകത്തിരിക്കുന്നവരൊക്കെ ഭയങ്കരന്‍‌മാരാണെന്നാണ് ധാരണ മുഴുവന്‍.
ഇതു നല്ല രസമായി... :)

Anonymous said...

iranta = seagull

റീനി said...

കുറുമാന്‍, വായിക്കാന്‍ നല്ല രസം.
കള്ളുകുടിയെക്കുറിച്ചുള്ള പത്തു കല്‍പ്പനകള്‍..
(1)ദുഃഖം കൂടിയാല്‍ കുടിക്കുക(2),സന്തോഷം തോന്നിയാല്‍ കുടിക്കുക (3).ബോറടിച്ചാല്‍ കുടിക്കുക (4).ഓഫീസില്‍ ജോലി കൂടിയാല്‍ കുടിക്കുക.(5) ഓഫീസില്‍ നിന്ന്‌ വീട്ടിലേയ്ക്കുള്ള ട്രാഫിക്ക്‌ കൂടിയാല്‍ കുടിക്കുക. (6)കുടിക്കുവാന്‍ കമ്പനിയില്ലയെങ്കില്‍ ഫോണില്‍ ഒരു കൂട്ടുകാരനുമായി സംസാരിച്ചു കൊണ്ട്‌ കുടിക്കുക. (7) സമ്മറില്‍ പുല്ലു വെട്ടിക്കഴിഞ്ഞും വിന്ററില്‍ സ്നോ മാറ്റിക്കഴിഞ്ഞും കുടിക്കുക.

എന്റെ സ്റ്റോക്ക്‌ തീര്‍ന്നു. ബാക്കിയുള്ളത്‌ ബൂലോകര്‍ക്ക്‌ വിട്ടു തന്നിരിക്കുന്നു

റീനി said...

കുറുമാന്‍, വായിക്കാന്‍ നല്ല രസം.
കള്ളുകുടിയെക്കുറിച്ചുള്ള പത്തു കല്‍പ്പനകള്‍..
(1)ദുഃഖം കൂടിയാല്‍ കുടിക്കുക(2),സന്തോഷം തോന്നിയാല്‍ കുടിക്കുക (3).ബോറടിച്ചാല്‍ കുടിക്കുക (4).ഓഫീസില്‍ ജോലി കൂടിയാല്‍ കുടിക്കുക.(5) ഓഫീസില്‍ നിന്ന്‌ വീട്ടിലേയ്ക്കുള്ള ട്രാഫിക്ക്‌ കൂടിയാല്‍ കുടിക്കുക. (6)കുടിക്കുവാന്‍ കമ്പനിയില്ലയെങ്കില്‍ ഫോണില്‍ ഒരു കൂട്ടുകാരനുമായി സംസാരിച്ചു കൊണ്ട്‌ കുടിക്കുക. (7) സമ്മറില്‍ പുല്ലു വെട്ടിക്കഴിഞ്ഞും വിന്ററില്‍ സ്നോ മാറ്റിക്കഴിഞ്ഞും കുടിക്കുക.

എന്റെ സ്റ്റോക്ക്‌ തീര്‍ന്നു. ബാക്കിയുള്ളത്‌ ബൂലോകര്‍ക്ക്‌ വിട്ടു തന്നിരിക്കുന്നു

സ്നേഹിതന്‍ said...

ആനമയക്കിയുടെ ശക്തി കുറുമാന്റെ വരികളില്‍ കാണുന്നു. നല്ല ഉഗ്രന്‍ പോസ്റ്റ്. :) :)

കറികളുടെ വിവരണം... മസാലയുടെ മണം ഇവിടേയ്ക്കെത്തി !

പുള്ളി said...

ഇവിടെ ഇപ്പൊ രാവിലെ ഒന്‍പതു മണി കഴിഞ്ഞു. കള്ളുകിട്ടില്ലെങ്കിലും, ബാക്കി വന്യ ജീവികളെ ഒക്കെ അകത്താക്കാന്‍ ഒരു പ്രചോദനം കുറുമഗുരു കടാക്ഷിച്ചു ഉണ്ടായിരിക്കുന്നു. ബാക്കി പോസ്റ്റിംഗ്‌ കലാപരിപാടികഴിഞ്ഞു്‌. ഇനീം എഴുതു ഇതുപോലെ....

Visala Manaskan said...

കള്ളൂകുടിക്കാന്‍ പോകുമ്പോഴും ഇത്രക്കും ഒരുങ്ങണം ല്ലേ?
ങും ങ്ങും..! പോസ്റ്റ് ഉഷാര്‍.

പിന്നെ,കാലാട്ടല്‍ നടക്കുന്നില്ലേ?

ഓണാശംസകള്‍.

ദേവന്‍ said...

"നീ മസ്കറ്റീനു നേരേ തെങ്ങിന്റെ മുകളിലോട്ടാണോ വിമാനം ഇറങ്ങിയത്‌" എന്നു വരവേല്‍പ്പില്‍ മോഹന്‍ലാലിനോറ്റ്‌ ചോദിക്കുമ്പോലെ ക്രൂമാന്‍ ദുബായീന്ന് നേരെ ഷാപ്പിലോട്ടാണോ വിമാനമിറങ്ങിയത്‌?

ഷാപ്പ്‌ റെസിപ്പി ഒന്നു രണ്ടെണ്ണം പിടിച്ചോ കുറുമാനേ

മുയലിറച്ചി കറി
ചേരുവ ഒന്ന് : ബീഫ്‌ കറി
ചേരുവ രണ്ട്‌ : മുയലിന്റെ ച്രീം രോമവും
പാചകം:
ഒന്നില്‍ ശകലം രണ്ടിട്ട്‌ വിളമ്പുക

എരണ്ട കറി
ചേരുവ ഒന്ന് : ചിക്കന്‍ കറി
ചേരുവ രണ്ട്‌ : എരണ്ടയുടെ പപ്പ്‌
പാചകം:
ഒന്നില്‍ ശകലം രണ്ടിട്ട്‌ വിളമ്പുക

Anonymous said...

പൊറിഞ്ചുവേട്ടന്‍ വേച്ചു വേച്ചു ഷാപ്പില്‍ നിന്നും ഇറങ്ങി നടന്നു.

കഥ കേട്ട ഞങ്ങളും.


Great end ..as usual :)

!!!* Nunakkuzhippayyan *!!!
(BLOG_IN (g) SOOOOOON)

Satheesh said...

നാ‍ട്ടില്‍നിന്നെഴുതിയതുകൊണ്ടാണോ (അതോ കള്ളിന്റെ ഗുണമോ) കുറെ അക്ഷരപിശാച് കയറിക്കൂടിയിട്ടുണ്ട്!
നംഗതി കലക്കി! ഇത് വരെ കള്ള് കുടിച്ചിട്ടില്ലെങ്കിലും (ഓ ഒരു സത്യകൃസ്ത്യാനി വന്നിരിക്കുന്നു! :-)) കള്ള് ഷാപ്പ് ജീവിതത്തിന്റെ ഒരു ഭാഗമായിരുന്നു ഒരു കാലത്ത്! തോണിയില്‍ കടവും കടന്ന് പോയി, അക്കരെ ഷാപ്പിലെ മീന്‍ കറിയും ബീഫ് ഫ്രൈയും!

Unknown said...

പ്രായമേറിയ ചിലര്‍ വന്ന്‌ കള്ളു കുടുക്ക വാങ്ങി ഒറ്റ ഇറക്കിന്‌ കാലിയാക്കി പോകുന്ന കാഴ്ച എന്തു നയനാനന്ദകരമാണെന്നോ? അതും രാവിലെ ഒമ്പതൊമ്പതരക്ക്‌!

കുറുമന്‍ ചേട്ടാ.... കലക്കി! :D

ഒരു പൊസ്റ്റിഡ്ണ്ടെടാ... ന്ന് പറഞ്ഞപ്പോ ഈ സൈസ് അലക്കിപ്പോളി സാധനാവുംന്ന് സ്വപ്നത്തില്‍ പോലും കരുതിയില്ല. കൊതിപ്പിച്ചു എന്ന് പറഞ്ഞാല്‍ മതിയല്ലോ. കള്ള് കുടി ഒരു അനുഭവമായി ഇത്ര ആ‍സ്വദിച്ച് ചെയ്യുന്നത് വായിച്ചപ്പോള്‍ ഞാനും ഒന്ന് ട്രൈ ചെയ്താലോ എന്ന്.......:)(കൈമള്‍ സാര്‍:എന്റെ അമ്മ ഇത് വായിക്കുന്നുണ്ടെങ്കില്‍ അറിയാന്‍.ഇത് ഒരു തമാശയാണ്. ഞാന്‍ നീറ്റാണ്! പ്ലീസ്... വിശ്വസിക്കൂ....)

ആ ജന്തുക്കളൊക്കെ ഓരിജിനലാണോ? ഒരു രണ്ട് കാടയും ഒരു മുയലും പാഴ്സല്‍ കൊണ്ട് വരുമോ? ചൂടാക്കിയിട്ടായാലും കഴിച്ചോളാം... എന്നാലും ദുഷ്ടാ.. കൊതിപ്പിച്ച് വശാക്കീലോ..:(

Renjith Nair said...

Shaap'nte vividha angilil ulla onnu rendu photos koodi untaayirunnenkil... Kurumantey mohail phone'l camera illey?
"Naattudrishyangal" kurachu post cheyy maashey...

"അമ്മാമ്മ ചത്താല്‍ കുടിക്കണം, മോള്‍ പ്രസവിച്ചാല്‍ കുടിക്കണം. ജോലി കിട്ടിയാലും, പോയാലും കുടിക്കണം. എന്തിനും, ഏതിന്നും, ഒരേ ഒരു പരിഹാരം. മദ്യപാനം!"

Ee vaachakathintey oru velya print out eduth ella Bar'ntem shaap'ntem parisarangalil pradarshippikanam.

അഭയാര്‍ത്ഥി said...

നീര്‍ക്കോലി, കാക്ക, പല്ലി , ചിലന്തി, ചൊറിയന്‍ തവള, വട്ടുഡി, മരപ്പട്ടി,
ഉടുമ്പ്‌, കേളാന്‍, അണ്ണാന്‍, ഓന്ത്‌ അങ്ങിനെ പ്രോടിനൈസെഡ്‌ വൈരുദ്ധ്യാത്മക ഉദര വാദത്തിനുള്ള ജീവജാലങ്ങള്‍ക്കും ,
കേരളത്തിന്റെ കല്‍പ്പവൃക്ഷമായ തെങ്ങിനും അതിന്റെ അകന്ന ബന്ധത്തിലുള്ള പനക്കും, എന്‍ഡോസല്‍ഫാനൈസെഡ്‌ കശുമ്മാവിനും, എല്ലാം അന്യം വന്നു പോകാതിരിക്കാനും, പ്രകൃതിയില്‍ സംതുല്‍താവസ്ഥയില്‍ നിലക്കു നിര്‍ത്തുവാനും കുറുമാനെതിരെ പ്രക്ഷോഭത്തിനിറങ്ങുവിന്‍.
ഇതെല്ലാം പേക്കറ്റില്‍ കിട്ടുന്ന ഗള്‍ഫിലേക്കദ്ധേഹത്തെ കെട്ടു കെട്ടിക്കുവിന്‍.

പയ്യന്‍സ് said...

കുറുമാനേ കലക്കീ

കള്ളോളം നല്ലൊരു വസ്തു
'ബൂലോഗ'ത്തില്ലെടി പെണ്ണേ
എള്ളോളം ഉള്ളില്‍ചെന്നാല്‍
'ബൂലോഗം' തരികിട തിമ്ര് തൈ

K.V Manikantan said...

yമഹാപാപി മനുഷ്യാ,കൊതിപ്പിക്ക്കല്ലേ...(ഇയ്യോ അരവിന്ദ്, കള്ള് കാട്ടി കൊതീപ്പിക്കലല്ലാഅ..) ഒരു കള്ളുഷാപ്പിലെ മീന്‍ കറി, പുളീം മുളകും ഒക്ക്കെ ഇട്ടു വെച്ച മീന്‍ കറി കൂട്ടനം ന്നുള്ള എന്‍റെ അന്ത്യാഭിലാഷം എന്നെങ്കിലും നടക്ക്വൊ എന്തോ.

കുറുജീ മേല്‍പ്പറഞ്ഞ കമന്റ്‌ എഴുതിയ ചേച്ചിക്ക്‌ മാപ്രാണം ഷാപ്പില്‍ നിന്ന് പാഴ്സല്‍ വാങ്ങി കൊണ്ടുകൊടുക്കണേ.... മാപ്രാണത്ത്‌ നിന്ന് ത്രിശ്ശൂര്‌ക്ക്‌ 20 മിനിട്ടല്ലേ എടുക്കൂ.. ചൂടോടെ കൊണ്ടുകറ്റുക്കണേ..അല്ലെങ്കില്‍ പാപം കിട്ടും. വാങ്ങുമ്പോള്‍ അവടത്തെ സപ്ലെ പാത്രമായ ആ കൊച്ചു ഇലകള്‍ കൂടി വേണം.

ഞാന്‍ മാപ്രാണത്ത്‌ ചെന്നപ്പോ കീരി, കൊളക്കോഴി, മരപ്പട്ടി എന്നിവ ഉണ്ടായിരുന്നു. മുന്നില്‍ കൊച്ചു കുടത്തില്‍ നുരയുന്ന കള്ള്‌. മറച്ച്‌ പനമ്പിന്റെ മുകളില്‍ക്കൂടി തുള്ളിക്കൊരുകുടം കണക്കെ പെയ്യുന്ന മഴ. മേല്‍പ്പറഞ്ഞ വിഭവങ്ങള്‍ മുന്നില്‍. (ഭാര്യ കോയമ്പത്തൂരോ മറ്റോ ആകണം). ഹോ ആലോചിക്കാന്‍ വയ്യ!

കരീം മാഷ്‌ said...

ഈ യൂണികോഡു കൊണ്ടു ഞാന്‍ കഷ്‌ടത്തിലായീന്നു പറഞ്ഞാല്‍ മതിയല്ലോ.
കള്ള്‌, കുപ്പി, മദ്യം, പൂസ്സാവുക തുടങ്ങിയ വാക്കുകളൊക്കെ എന്റെ കെട്ട്യോള്‌ എക്‌സ്‌പ്ലോറ റില്‍ വേര്‍ഡ്‌ ബാറിംഗ്‌ കൊണ്ട്‌ ബ്ലോക്കു ചെയ്‌തതിനാല്‍ കുനുമന്റെ കഥകളൊന്നും എന്റെ കമ്പ്യൂട്ടറില്‍ തുറക്കാന്‍ പറ്റിണില്ല്യ.

കോഡു വാക്കുകള്‍ ഇറക്ക്‌ ഗുരുക്കളെ !

Kuzhur Wilson said...

മാപ്രാണം കള്ളുഷാപ്പ്‌ ഒരു അയവിറക്കല്‍

dear kuruman
blogukal
prasthmakunnathu ivideyanu.

ellavarum
parayan madikkunna vishaygal

international
prblems charcha cheyyan
namukku nisavadi medias undu.

but maparanam kallushappu
loka prasthnakunnathu ivideyanu.

padathinu naduvilulla
shappu thanneyano athu. ?

vannal undam namukku orumichu onnu adikanam. ajmanil ayikotte.

aaagola kuthaka vishayagale
ingane thanne
pradirodikkuka.

love
kuzhoor wilson

Rasheed Chalil said...

കുറുജീ അടിപൊളി

തറവാടി said...

മുസ്ലീമായ എന്നെക്കൂടെ കുടിച്ചിപ്പിച്ചിട്ടേ അടങ്ങൂ...ല്ലേ കുറുമാനേ...

P Das said...

ഓണമായി..ഇനി കുടിക്കുന്ന കള്ളൊക്കെ സൂക്ഷിച്ചു കുടിച്ചോ.. കിടങ്ങറ (ചങനാശ്ശേരി ആലപ്പുഴ റോഡില്‍) ഷാപ്പില്‍ ഒരു വലിയ ബൊര്‍ഡ് വച്ചിട്ടുണ്ട് “ഗാനാലാപനം പാടില്ലാ” എന്ന്..

മുസ്തഫ|musthapha said...

ഷാപ്പുകാരന്‍ ജോണിചേട്ടന്‍ ഞങ്ങളുടെ അരികിലേക്ക്‌ വന്നിട്ട്‌ പറഞ്ഞു. പൊറിഞ്ചുവേട്ടനിന്നിനി കള്ളില്ല. അതു കേട്ടതും, പൊറിഞ്ചു, ജോണി ചേട്ടണ്റ്റെ അച്ഛനും, അമ്മക്കും, സുഖമല്ലേന്നന്വേഷിച്ചു...

ഹി ഹി ഹി... മെഗാ സൂപ്പര്‍ സഖാവേ... :)

രാജാവു് said...

അല്ല കുട്ടന്‍ നായരെ, ഞാന്‍ ഇങ്ങേരെഴുതിയതൊക്കെ അങ്ങോട്ടു് വായിക്കുകയായിരുന്നു.ഈ പരേടു് അങ്ങോട്ടു് വായിച്ചങ്ങിഷ്ടപ്പെട്ടേ.എങ്കീല്‍ പിന്നെ പുസ്തകം മൊത്തം അങ്ങട്ടു വായിക്കാം എന്നങ്ങട്ടു നിരീച്ചു.ഞാന്‍ ചിരിക്ക്യോം വായിക്യോം? ചിരിക്ക്യോം വായിക്യോം?. താലപ്പൊലി,പാതാള ക്കാഴ്ച്ച,അയ്യരു്.
ശുംഭന്‍ കേമനാടോ.നാം ഉപയോഗിക്കുന്ന സോമരസം തന്നെ മാപ്രാണത്തു് ഇഷ്ടനും നുകര്‍ന്നതു്.?
പുലി,പശു എന്നൊക്കെ പഴഞ്ചന്‍ ആയെടോ.കുറുമാനൊരു പെരൂമാളാണെടോ.

രാജാവു്.

Ettan said...

Kuruman....super!
Biriyanikutty....Nattika venda...chemmapilly test cheyyooo...

Visala Manaskan said...

പ്രിയ കുറുമാന്‍, താങ്കള്‍ എവിടെയാണ്???

പണ്ട് പണ്ട് കുറുമാന്‍ എന്നൊരു പുലി ബ്ലോഗില്‍ എഴുതിയിരുന്നു എന്ന് പറയേണ്ട അവസ്ഥയായല്ലോ മാഷേ...

ദെവിടെ?

ഇരിങ്ങാലക്കുട, ഡെന്മാര്‍ക്ക് എന്നൊക്ക് പറഞ്ഞ് അവിടെപ്പോയി കള്ളും കുടിച്ച് കാലാട്ടി നടന്നാല്‍ മത്യാ..

പൂശരാ ഗഡീ ഒരു അമിട്ട്.

Vempally|വെമ്പള്ളി said...

പ്രീയ കുറുമാ, കള്ളുഷാപ്പിലെ അനുഭവങ്ങള്‍ക്കുശേഷം നേരെ ഡെന്മാര്‍ക്കിനു വിട്ട കുറുമാന്‍റെ പൊടിപോലും കാണുന്നില്ലല്ലൊ. അവിടെപ്പോയി തണുത്തു പോയൊ? ഒന്നു വേഗം ചൂടാക്കിയെടുക്ക് എന്നിട്ട് ഒരു കഥയങ്ങ് തട്ട്!

ഇടിവാള്‍ said...

കുറു.... താനെവിടേ ??

മുല്ലപ്പൂ said...

കുറൂ,
ചിരി നിക്കണില്ലല്ലോ.. :)

(വെക്കേഷന്‍ കഴിഞ്ഞു സുഖമായി തിരിച്ചെത്തിയെന്നും, പോസ്റ്റിട്ടെന്നും ഒക്കെ പിന്മൊഴി മുത്തി പറഞ്ഞ് അറിഞ്ഞിരുന്നു. ഇന്നേ സമയം കിട്ടിയുള്ളൂ ഇതു വഴി വരാന്‍ .
പക്ഷേ ഇവിടെ ഇപ്പോള്‍ ആള്‍ തമസം ഇല്ലെ?

Visala Manaskan said...

കുറുമാന്‍ വാക്കുപാലിക്കുക!
ഇന്നിടാമെന്ന് പറഞ്ഞ പോസ്റ്റ് ഉടനിടുക!
ലാപ്റ്റോപ്പ് വാങ്ങിയാല്‍ ‘തുടങ്ങായി’എന്ന പറഞ്ഞ ഡയലോഗിനോട് നീതിപാലിക്കുക!

ദെവിട്യണ്ടാ ഗഡീ?

Visala Manaskan said...

എന്നാ ആ അമ്പത് നമ്മ്ലന്നെയങ്ങടിച്ചേക്കാം.
‘ബൂലോഗര്‍ കുറുന്നെ മര്‍ന്നിണ്ടാവും ട്ടാ വേഗം ഹാജര്‍ വൈ’

Rasheed Chalil said...

കുറുജി തിരിച്ചുവരിക. ബൂലോഗം കാത്തിരിക്കുന്നു.

Mubarak Merchant said...

അയ്യോ അയ്യോ പോകല്ലേ, കുറുമാഞ്ചേട്ടാ പോകല്ലേ!!!
സംഗതി നേരാണല്ലോ, എന്തുപറ്റി നമ്മുടെ കുറുമഗുരുവിന്?

ഇടിവാള്‍ said...

കുറു..
തന്റെ സുഹൃത്തുക്കള്‍ക്കു സംഭവിച്ച അപകടത്തില്‍ അഗാധമായ ദുഖം രേഖപ്പെടുത്തുന്നു !

sreeni sreedharan said...

അയ്യോ എന്താ സംഭവിച്ചത്??
:(

ലിഡിയ said...

എന്താ സംഭവിച്ചതെന്ന് ആരെങ്കിലും ഒന്ന് പറയിന്‍..?എന്താ ഇടിവാളെ...ഓരോ കമന്റ് കാണുമ്പോളും ഓര്‍ത്തിരിന്നു,പക്ഷേ ആരും ഒന്നും പറഞ്ഞ് കേട്ടില്ല ???

:-(

-പാര്‍വതി.

ദിവാസ്വപ്നം said...

അത്‌ കഷ്ടമായല്ലോ കുറുമാനേ. അനുശോചനങ്ങള്‍

ഇടിവാള്‍ said...

പച്ചാളം & പാര്‍വതി pls read Kuru's comment in Komaram !

===================

10/02/2006 09:35:32 PM
ചങ്ങാതി കുത്തിയാല് ചങ്കിലെന്നാണല്ലോ പ്രമാണം”Muraliyetta,After one and half month, I'm back to blogs and read your story. Excellent narration. Cant write in malayalam now, so writing in englih. Have to read your old posts as well other tigers. Will call you and talk to you later.I'm upset as my colleagues met with an accident last night here in dubai. One died on the sport,one of my close friend got paralised and other friend broken his legs, hands and Severe bleeding from nose. Thougt to start writing again from today (vijaya dhashami day), but can't as the mood dosen't allow.Hi to bloggers once again. Will come back soon.RegardsKurman --Posted by കുറുമാന് to കോമരം kOmaram <[link]> at 10/02/2006 09:35:32 PM... more »
by കുറുമാന്‍ - 8:59am - 1 new of 1 message

പട്ടേരി l Patteri said...
This comment has been removed by a blog administrator.
ലിഡിയ said...

മുരളീടെ കഥ വായിച്ചുന്നച്ചാലും കുറുമാന്റെ കമന്റ് കണ്ടില്ല..

കുറുമാന്‍ താങ്കളുടെ ദുഃഖത്തില്‍ പങ്ക് ചേരുന്നു..ഈ ബ്ലോഗുലകത്തിലെ എല്ലാ നല്ല സുഹൃത്തുക്കളും..

-പാര്‍വതി,

വേണു venu said...

കുറുമാന്‍,
ദുഖത്തില്‍ പങ്കു ചേരുന്നു.ഒന്നും വിശദമായി അറിയാന്‍ കഴിയുന്നില്ലല്ലോ.

aneel kumar said...

ഈ വാര്‍ത്തയില്‍ Shaikh Zayed Road-ല്‍ നടന്ന അപകടത്തിലായിരുന്നു, 27 വയസ്സുമാത്രമുണ്ടായിരുന്ന, കുറുമാന്റെ സഹപ്രവര്‍ത്തകന് ജീവന്‍ നഷ്ടമായത്.

ദുഃഖത്തില്‍ പങ്കുചേരുന്നു.

Anonymous said...

പ്രിയ കുറുമാന്‍,

താങ്കളുടെ സുഹൃത്തുക്കളുടെ കുടുംബങ്ങളെ ആശ്വസിപ്പിക്കാന്‍ താങ്കള്‍ക്ക്‌ കഴിയട്ടെ എന്ന് ആഗ്രഹിക്കുന്നു

sreeni sreedharan said...

കുറുമാന്‍‍ജീ,
കഷ്ടമായിപ്പോയല്ലോ!

ഇതുപോലൊരു വേദന ഉള്ളില്‍ക്കൊണ്ട് നടക്കുന്ന എനിക്ക് ആശ്വസിപ്പിക്കാന്‍ ആവുന്നില്ല..
:(

ഏറനാടന്‍ said...

കുറുമന്‍ജിയുടെ ദു:ഖത്തില്‍ പങ്കുചേരുന്നു. സുഹൃത്തുക്കളുടെ വേര്‍പാടിന്റെ മുറിപ്പാടുകള്‍ നൊമ്പരം തന്നെ!

Anonymous said...

എവിടെയാണ് കുറുമാന്‍ ചേട്ടാ? കൊറേ ദിവസായല്ലോ ? ഈ അടിപൊളി വിറ്റുകള്‍ ലോഗര്‍ എല്ലാം മിസ്സ് ചെയ്യുന്നു കാര്യായിട്ട്..
അതോണ്ട് എഴുതൂ...

qw_er_ty

മുല്ലപ്പൂ said...

ദുഖത്തില്‍ പങ്കുചേരുന്നു.
എഴുത്ത് ചിലപ്പോള്‍ ആശ്വാസം തന്നെങ്കിലോ ?
പറയാന്‍ വന്നതു ഇഞ്ചി പറഞ്ഞു കഴിഞ്ഞു.

(പറഞ്ഞതു അറിവില്ലായ്മ എങ്കില്‍ ക്ഷമിക്കൂ.)
qw_er_ty

ബിന്ദു said...

കുറുജീ.. മനസ്സിന്റെ വിഷമങ്ങള്‍ എല്ലാം മാറട്ടെ വേഗം തന്നെ. എഴുതി തുടങ്ങൂ. പ്ലീസ്.
qw_er_ty

snehithan said...

macha kuruman.. entey oru friend ennum thantey blog vayichu pokumpol oro bloginteyum katha parayum.. anganey atlast innu avan enkku ee link thannu.. adhyamayi blog vayana innu thudangi.. enthayalum parayathirikkan vayya.. ningaludey ezhuthintey shaili adipoli.. thudakkam nammaldey facvourite kallil thanney akattey ennu karuthi.. i really travelled to mapranam kallushap and came back.. and narmam nallathayi chertha blog.. thanividey onnum ezhuthiyal pora.. oru book ezhutiyal ithu thanneyayirikkum best seller..

pramod said...

KURUMAANE KURICHU AADYAMAAY ARIYUNNATHU MANGALAM ONAM SPECIAL PATHIPPIL NINNA.DEYRA YILE MEENPIDUTHAM. KALAKKEEE...THANIKKINIYUM PALATHUM CHEYYAN PATTUM KURUMAANE.KURUMAAN KATHAL PUBLISH CHEYYANAM BHAVUKANGALODE pramod

Anonymous said...

Kollaam money kollaam... Christ'il padicha aarkkum mapranam shap marakkaan pattillallo...

Ajith, DollarShower.com

ktahmed mattanur said...

കുറുമാനെ കലക്കി ഷാപില്‍ കയറിയിട്ടില്ല ഇനിയെന്തിനുകയറണം അകമങിനെ പുറത്തെ കായ്ചകള്‍ ഒത്തിരി കാണാന്‍ ഇടവന്നിട്ടുണ്‍റ്റ് അതിലൊന്ന് ഇങിനെ , ഈ കള്ളുഷാപ് നിങളും കണ്ടു കാണും ,ഒന്ന് വണ്ടി പിന്നോട്ടെടുത്തോളൂ ,നില്‍ക്കട്ടെ ദ നോകിയെ ആ വരാന്തയിലൂടെ മണ്ണില്‍ ഉരുണ്ട മുഷിഞ വസ്ത്രവും ധരിച്ച് എന്തെക്കിയോ പുലഭ്യവും പറഞ് മടക്കികുത്തി യ ലുങ്കി അരയോട് ചേര്‍തുകെട്ടി ഒരു ദിനേശു ബീഡി നിറുത്താതെ വലിച്ചൂതി മദ്ദ്യഷാപ്പിന്റെ കൗണ്ടറുതന്നെ നോകി കൈയിലെന്തോ കടലാസ് തുണ്ടം നന്നയി ചുരുട്ടുകയും പിന്നെ നിവര്‍തുകയും വീണ്ടും ചുരുട്ടുംകയും ചെയ്തുകൊണ്ട് അയാള്‍ ക്ഷമകെട്ട എലിക്കുട്ടിയെ പോലെ ഉലാതുന്നത് ,ആ കണ്ണൊന്ന് തെറ്റിച്ച് അങോട്ടു നോക്കിയെ ഒരുവന്‍ ഉടുമുണ്ടിന്റെ തറ്റം തോളത്തിറുക്കി വളരെ ദ്രുതിയോടെ വരുന്നതു കണ്ടോ ഇനി കേട്ടോ ,ഫ്ഫ ചെറ്റെ എവിടെട നീ ,നീ ഇപ്പ ഇണ്ടാക്കാന്ന് പറഞ് പോയതല്ലെ ,മനുഷ്യന്റെ ക്ഷമ നശിച്ച്പ്പയാ അവന്റെ അമ്മേനെ ‌####### ,എട്,ഒന്നാമന്‍ കയ്യില്‍ ചുരുട്ടിയ കടലാസ് നിവര്‍തുന്നു രണ്ടാമന്‍ നല്‍കിയതും ചേര്‍ത് നിവര്‍തിപിടിച്ച് മാന്ന്യമായി ക്യു പാലിച്ച് തന്റെ ഊഴമെത്താന്‍ നില്‍കുന്നത് കണ്ടൊ

michael morgan said...

fantastic post!!

Thesis Help | Custom Thesis | Research Paper Writing

Anonymous said...

kappa, karimeen porichathu, aatin liver, kada, kallaumakaya, tharavumutta, pork, mathikari, kozhikari, muya, veraku etc. with kudukka kallu. ohhhhh aalojikan vayya. joy chennanete kaivirithu.

Unknown said...

ഷാപ്പ്‌ സ്പെഷലായ, കപ്പ, വാള തല കറി, പലിഞ്ഞീല്‍ വറുത്തത്‌, ഐക്കൂറ വറുത്തത്‌, കരിമീന്‍ പൊള്ളിച്ചത്‌, ഞണ്ട്‌, കക്ക, കല്ലുമ്മക്കായ, ആടിണ്റ്റെ തല, തലച്ചോര്‍ തോരന്‍, ബോട്ടി, പോത്തിറച്ചി ഉലത്തിയത്‌, മലത്തിയത്‌ വേറെ, താറാവ്‌, മുയലിറച്ചി, കാട, ഇരണ്ട ചിക്കിയത്‌, ഞവിണിക്ക തുടങ്ങിയ സാധനങ്ങള്‍ കണ്ടതും, എണ്റ്റെ വായില്‍ വെള്ളം ഊറാന്‍ തുടങ്ങി.


ദൈവമേ ..ഇനി കള്ള് കുടിക്കാനും തിന്നാനും വേണ്ടി മാത്രം ഞാന്‍ തൃശൂര്‍ വരേ പോവേണ്ടി വരുമോ ?

Jini said...

😋😋😋😋😋നമ്മടെ നാട്

Jini said...

😋😋😋😋😋നമ്മടെ നാട്